Ақтөбе облысында есептегі сотталғандар жалғызбасты қарияның ауласын қардан тазалап берді, – деп хабарлайды Polisia.kz.
Ақтөбе облысы бойынша ҚАЖ департаментіне бағынысты Хромтау аудандық пробация қызметінің есебінде тұрған сотталғандар аудандағы «Қаһарман» еріктілер тобының жастарымен бірлесіп, «Жалғызбасты қарттарға қол көмек» акциясына қатысты.
Қайырымдылық акциясы барысында пробация есебіндегі жастар ауа райының күрт жылынуынан су басу қаупі бар зейнеткер қарияның үйінің ауласын қардан тазартып, болуы мүмкін қауіп-қатердің алдын алды.
«Хромтау аудандық жастар ресурсы және жастар арасындағы дін мәселелері қоғаммен байланыс орталығы» КММ-нің ұйымдастыруымен өткізілген шарада белсенділік танытқан есептегі сотталған жастар 85 жастағы жалғызбасты қарияның алғысына бөленді
