Ақтөбе облысында өткен тәулікте 14 жол-көлік оқиғасы тіркелді, – деп хабарлайды Polisia.kz.
Ақтөбе облысының аумағында ауа райының қолайсыздығына байланысты апаттық жағдайлардың күрт өсуі байқалады. Тек өткен тәулікте ғана 14 жол-көлік оқиғасы тіркелді, оның ішінде бес жаяу жүргіншіні қағып кеткен.
Ағымдағы жылдың 10 қарашасында сағат 07.40 шамасында ресейлік есептегі «Ваз 211440» автокөлігінің 21 жастағы жүргізушісі 312-атқыштар дивизиясы жағынан «КЕГОК» АҚ-на қарама-қарсы жерде реттелмейтін жаяу жүргіншілер өткелінде 62 жастағы жаяу жүргіншіні қағып кетті.
Жол-көлік оқиғасы салдарынан жаяу жүргінші Ақтөбе қаласы медициналық ауруханасының жансақтау бөліміне жатқызылды.
Полиция департаменті жолдарда өте мұқият болуды, ауа райының қолайсыздығы салдарынан жолдағы жағдайларды бақылауға шақырады.
