Ақтөбе облысы полиция департаментінің тергеушісі Ғафур Рамазанұлы Азия чемпионатында қола медаль иеленді, – деп хабарлайды Polisia.kz.
Әр елден 200-ден астам спортшының басын қосқан грэпплингтен Азия чемпионаты Ақтөбе қаласында өтті. Полиция қызметкері Гафур Рамазанұлы бұл жарысқа 92 келі салмақ дәрежесінде қатысты. Нәтижесінде ақтөбелік полицей жартылай финалда қола жүлдегер атанды.
Ғафур — спорттың бұл түріне жаңадан келген. Бұған дейін ол еркін күреспен айналысқан. Грэпплингпен ол екі жыл бұрын ғана жаттығып бастаған. Азия ашық чемпионаты спортшы полицей үшін алғашқы маңызды халықаралық бастама.
