2020 жылдың 10 айында Ақтөбе облысының полиция қызметкерлері осындай 13 мыңға жуық бұзушылықты тіркеді, – деп хабарлайды Polisia.kz.
Жаяу жүргіншілер өткелінде жаяу жүргіншілерді қағып кету – бүгінгі таңда өткір мәселе. Сондықтан Полиция департаменті қызметінің басым бағыттарының бірі осындай оқыс жағдайлардың алдын алу болып табылады. Тек ағымдағы жылы ғана Ақтөбе облысында 3 538 оқиға тіркелді, онда жүргізушілер артықшылығы бар жаяу жүргіншілерге жол бермеген.
Жаяу жүргіншілердің жол қозғалысы ережелерін бұзуы жаяу жүргіншілер өтетін аймақтан тыс жерде, сондай-ақ бағдаршамның тыйым салатын белгісіне өту болып табылады. 2020 жылдың 10 айында полиция қызметкерлері осындай 13 мыңға жуық бұзушылықты тіркеді.
Сонымен қатар, жыл басынан бері жаяу жүргіншілердің қатысуымен 164 ЖКО орын алды, онда 11 адам қаза тауып, 158 адам түрлі жарақат алды.
Мысалы, бүгін сағат 08 шамасында «Лада» автокөлігінің 26 жастағы жүргізушісі Сейітов көшесінің бойында «Ибис» қонақ үйіне қарама-қарсы бетте 39 жастағы әйелді қағып кетті. Жол-көлік оқиғасы салдарынан жаяу жүргінші алған жарақаттарынан оқиға орнында көз жұмды. Аталған факті бойынша тергеу жұмыстары басталды.
Әрбір жаяу жүргінші бірде-бір көлік құралын бірден тоқтата алмайтындығын, тіпті жаяу жүргіншілер өткелінің де қауіпсіз емес екенін түсінуі керек, ал жүргізуші көліктің жоғары қауіп көзі екенін есте сақтауы қажет және «жаяу жүргінші жолағына» жақындаған кезде жаяу жүргіншілерді тоқтатуға және өткізуге дайын болу үшін жылдамдықты төмендетуі керек.
Құрметті, жол қозғалысына қатысушылар! Ешқандай асығыстық адам өмірінен артық емес. Ойланыңыз, жол ережесін бұзу, адам үшін ең қымбат– денсаулығы мен өмірінен айыруы мүмкін!
