Ақтөбе қаласы ПБ Алматы ауданы №3 полиция бөліміне 15 жасөспірім жеткізілді, – деп хабарлайды Polisia.kz.
Ағымдағы жылдың 20-23 мамыр аралығында облыс аумағында «Балалар түнгі қалада» жедел алдын алу іс-шарасы өткізілуде.
Жоспарланған іс-шараларды іске асыру барысында ювеналды полиция инспекторлары аулаларда, саябақтарда және жастар көп жиналатын орындарда, ойын-сауық орындарында рейдтік жұмыстар жүргізді. Нәтижесінде жедел алдын алу іс-шарасының бір күнінде №3 полиция бөліміне 15 кәмелетке толмаған бала жеткізілді. Оның ішінде 13-і заңды өкілдерінің еріп жүруінсіз сағат 23:00-ден 06:00-ге дейін тұрғын үйден тыс жерде болған.
Кәмелетке толмаған балаларды тәрбиелеу жөніндегі міндеттерді орындамағаны үшін екі ата-ана әкімшілік жауапкершілікке тартылды.
21 жасқа толмаған адамдарға темекі өнімдерін сатқаны үшін – екі, кәмелетке толмағандарды ойын-сауық мекемесіне 22:00 сағаттан кейін заңды өкілдерінің ертіп жүруінсіз жібергені үшін бір жеке кәсіпкер жауапқа тартылды.
Полиция бөлімінің есебіне төрт жасөспірім және үш жағдайы төмен отбасы қойылды.
Балалардың өмірі мен денсаулығын сақтау – ересектердің басты міндеті.
