Ақтөбеде ер адам жігітті ұрып-соғып, 10 мың теңгесін тартып алған, – деп хабарлайды Polisia.kz.
(Тонау | 2:25 – 3:35)
Полицейлер бірден шабуылдаушыны іздеуге кірісті. Олар осы қылмысқа күдікті жергілікті тұрғынды ұстады.
– 31 жастағы бұрын сотталған Ақтөбе қаласының тұрғыны ұсталып, полиция бөліміне жеткізілді. Орын алған қылмыс бойынша қазіргі уақытта тергеу амалдары жүргізілуде, – деді учаскелік полиция инспекторы Айбат Қоянбай.
Бұл іс бойынша «Тонау» бабымен тергеу жүріп жатыр. Тәртіп сақшылары күдіктінің бұрын жасалған ұқсас қылмыстарға қатысы бар-жоғын тексеруде.
