Қазақстан Республикасы ІІМ-нің Қарағанды академиясының басшылығы ардагерлерді құттықтады, – деп хабарлайды Polisia.kz.
Академия бастығы Ақынқали Дәрменов ішкі істер органдарының кадрлық өзегін қалыптастырған Қарағанды академиясының ардагерлерін мерейтойларымен құттықтады.
Сонымен қатар ардагерлерге Б.Бейсенов атындағы Қарағанды академиясының 50 жылдығына арналған мерейтойлық құттықтау хаттар мен естелік кітаптар табысталды.
Іс-шара барысында ардагерлер Н.Омаров пен Ю.Пастуховқа «Таулы Қарабақтағы бітімгершілік миссиясына қатысқаны үшін» естелік медальдары табыс етілді.
Салтанатты іс-шарада Академияның медицина қызметкері А.Дьяковаға да ерекше көңіл бөлінді, оның Академия қабырғасында жұмыс істегеніне жарты ғасыр болды.
Қазақстан Республикасы ІІМ Б.Бейсенов атындағы Қарағанды академиясы Ардагерлер кеңесінің ұсынысы бойынша Құрмет грамотасымен Т.Какимжанов, К.Ташибаев., В.Лапшин, С.Баймурзин, В.Бирюкова, Т.Ахметов, Н.Омаров, Н.Еликбаев, И.Омаров, Т.Горобинская, Т.Амиров, С.Егизбаев марапатталды.
Іс-шара соңында Ардагерлер кеңесінің төрағасы С.Баймурзин Ардагерлер кеңесінің атқарған жұмысы, оның ішінде материалдық, қайырымдылық көмек көрсету, әлеуметтік маңызы бар іс-шараларды өткізу туралы есеп берді.
