Алматыда «Арыстан» арнайы лицейінің оқушылары нашақорлыққа қарсы дәрісті тыңдады, – деп хабарлайды Polisia.kz.
Алматы қаласы ПД есірткі қылмысына қарсы күрес басқармасының қызметкерлері Халықаралық нашақорлыққа қарсы күрес айлығы аясында «Арыстан» мамандандырылған лицейінде дәріс өткізді.
250 қатысушы жедел қызметкерлердің күнделікті іс-тәжірибесінен қамауға алу туралы шынайы оқиғаларды қызығушылықпен тыңдап, нарколог-дәрігердің кеңесіне құлақ түрді. Психикалық денсаулық орталығының психиатр-наркологы есірткі заттарын қолданудың қайтымсыз салдары мен жаңадан шыққан «синтетикаға» тәуелділік туралы айтты. Сонымен қатар қатысушыларға есірткі зертханаларын жою және ойын-сауық мекемелеріндегі тұтқындау туралы бейнероликтер көрсетілді.
