Атырауда дүкен сатушысының ұялы телефонын жымқырған әйел анықталды, – деп хабарлайды Polisia.kz.
Атырау қаласының “102” операторына 27 жастағы азаматша қоңырау шалып, өзі жұмыс істейтін дүкен ішінде Samsung маркалы ұялы телефоны ұрланғандығы жөнінде хабарлама берген.
Полицейлер жедел-іздестіру іс-шарасы барысында бейнебақылау камерасына ұрлық әрекеті түсіп қалған 58 жастағы әйелді анықтады.
Айғақ зат тәркіленіп, ҚР Қылмыстық кодексінің 188-бабы 1-бөлімімен (Ұрлық) тергеу амалдары жүргізілуде.
