Атырау облысының полицейлері мектеп мүлкін жымқырған ер адамды ұстады, – деп хабарлайды Polisia.kz.
Атырау облысы Құрманғазы аудандық полиция бөліміне аудандық мектептердің бірінің директорынан мектепте ұрлық фактісі орын алғаны жөнінде арыз келіп түсті. Оның айтуынша, белгісіз біреулер мамыр-тамыз аралығында мектептен екі дана «ACER» ноутбугі мен бір дана проектор құрылғысын ұрланған.
Полиция қызметкерлерімен жедел- іс шара барысында мектепке тиесілі техникалық құралдарды жымқырған күдіктінің жеке-басы анықталды. Ол 1996 жылы туған қала тұрғыны болып шықты.
Күдіктіге «ешқайда кетпеу және өзін- өзі дұрыс ұстау» шарасы санкцияланып, айғақ заттар тәркіленіп алынды.
Қазіргі таңда аталған факті бойынша сотқа дейінгі тергеу амалдары ҚР ҚК 188 бабының 1-бөлігімен жүргізілуде.
