Балқашта сатушыдан телефон ұрлаған ер адам ұсталды, – деп хабарлайды Polisia.kz.
17 тамызда Қарағанды облысы Балқаш қаласының полиция бөліміне қала тұрғыны хабарласып, сауда нүктелерінің бірінде ұрлық болғаны туралы жеткізді. Жәбірленуші сатушы болып жұмыс істегендіктен, тауар алған бір клиентке қызмет көрсеткен. Сатып алушы кеткен соң өзінің ұялы телефоны жоғалғанын біледі. Келтірілген шығын көлемі 12 мың теңгені құрайды.
Жедел-іздестіру шаралары барысында криминалдық полиция қызметкерлері күдікті 31 жастағы ер адамды анықтап, ұстады. Ол кінәсін мойындап, ұялы телефон жәбірленушіге қайтарылды.
