Қостанай облысында белгілі спортшы Иван Дычко полиция қызметкерлеріне бокстан шеберлік сағатын өткізді,-деп хабарлайды Polisia.kz.
Қазақстан Республикасының Еңбек сіңірген спорт шебері, Олимпиада ойындарының қола жүлдегері Иван Дычко «Динамо» ФСО ғимаратында полиция арнайы бөлімшелерінің қызметкерлеріне шеберлік сағатын өткізді.
– Полиция қызметкерлері, соның ішінде жедел әрекет ету арнайы жасағының қызметкерлері күн сайын жауынгерлік даярлықпен айналысады. Атақты жерлестерімен өткен мастер-класс өте пайдалы және қызықты болды.Өйткені көптеген қызметкерлер спортпен кәсіби айналысады. Жаттығулардан басқа, полицейлер үлкен бокспен шұғылдануды қалады, – деп атап өтті жылдам қимылдайтын арнайы жасақ командирі Жәнібек Мұхамеджанов.
– Мен өз біліміммен, тәжірибеммен бөліскеніме қуаныштымын, – дейді Иван Дычко.
Полиция майоры Қуаныш Бабақаевтың айтуынша, мұндай тәжірибе алмасу өте пайдалы, ол жеке құрамды түрлі жарыстарға өзі дайындап, спортшы-полицейлердің мүмкіндіктерін жақсы біледі.
– Чемпионмен жаттығудан кейін қосымша мотивация алып, сенімділік пайда болады. Біздің қызметкерлер арасында ел, Азия чемпиондары бар, – дейді жылдам қимылдайтын арнайы жасақ аға инспекторы Саламат Алматов.
