СҚО-да жылдамдықты асырғаны үшін бір күннің ішінде 70 жүргізуші жауапкершілікке тартылды, – деп хабарлайды Polisia.kz.
Солтүстікқазақстандық полицейлер «Қауіпсіз жол» жедел-профилактикалық іс-шарасы аясында жұмыс істеуде. Операцияның алғашқы күні облыс жолдарында 500-ден аса құқық бұзушылық анықталды.
– Барлық қабылданған шаралар жолдардағы тәртіпті нығайтуға бағытталған. Бұл өз кезегінде жол қозғалысы қауіпсіздігіне септігін тигізеді. Көбіне жол қозғалысы ережесіне мән бермейтін, жол-көлік оқиғасына қатысы бар деген жүргізушілер мен жаяу жүргіншілерге профилактикалық жұмыстар күшейтілді, – деді СҚО ПД бастығының бірінші орынбасары Қанат Айтбаев.
Жедел-профилактикалық іс-шара кезінде патрульдік полиция экипаждарының саны көбейтілді. Бұл күндері жолдарда құқықтық тәртіпті қамтамасыз етуге аудандық, облыстық және республикалық маңызы бар жолдарда, сондай-ақ елді мекендерде қызмет атқаратын 119 автопатруль жұмылдырылды. Жылдамдық режимін арттырғаны үшін бір күннің ішінде 70 жүргізуші жазаға тартылды. 14 адам масаң күйде рөлге отырған. Жеті автомобиль жүргізушісі көлік құралын басқару құқығынан айрылғандар. Қауіпсіздік белдігін тақпаған 81 жүргізуші әкімшілік жауапқа тартылды. Жолдағы тәртіпсіздігі үшін жаяу жүргіншілерде де жазаланды. СҚО-да бір күннің ішінде белгіленбеген жерден жолды кесіп өтудің 84 фактісі анықталды. Айып тұрағына бес автокөлік қойылды.
