Бизнес өкілдері Ақмола ҚАЖ мекемесінде дөңгелек үстел басында кездесті, – деп хабарлайды Polisia.kz.
Сотталғандарды ҚР ІІМ ҚАЖК қылмыстық-атқару жүйесі мекемелерінде жұмысқа орналастыру мәселесі өзекті болып қалуда.
Гранит кентінің ЕЦ-166/25 мекемесінде жаңа жұмыс орындарын ашу үшін колония бастығы Мерген Аргумбаевтың “Еңбек – Көкшетау” РМК филиалының директоры Владимир Елизовпен және “Новопэк” ЖК, “Арсамаков” ЖК, “Сахиев” ЖК, “Каиржанов” ЖК, “Прометей” ҚҚ бизнес өкілдерімен жұмыс кездесуі өтті.
Кездесуде “Еңбек – Көкшетау” РМК филиалының № 1 өндірістік учаскесі объектілерінде сотталғандар үшін жұмыс орындарының санын арттыру мәселелері талқыланды. Сонымен қатар, кәсіпкерлермен бірлескен жұмысқа екі жақты қызығушылық мәселелері талқыланды. Кәсіпкерлерге колония өнеркәсіптік аймағының аумағында өзара тиімді шарттармен жаңа нысандарды ұйымдастыру үшін тартылмаған алаңдар ұсынылды.
Барлық нұсқаларды қарап, шақырылғандар өз идеялары мен жобаларын қарастыруды, сотталғандар арасынан мамандардың болуы мәселесін пысықтауды және ынтымақтастық туралы шартқа қол қою үшін қосымша кездесуді ұсынды.
