Бостандықта болуға мүмкіндік берілді: СҚО-да пробация қызметінен жасырынған сотталған қамауға алынды
СҚО-да пробация қызметінен жасырынған сотталған қамауға алынды, – деп хабарлайды Polisia.kz.
СҚО бойынша ҚАЖД Тайынша ауданының пробация қызметі бөліміне С.есімді сотталғанның ісі келіп түсті. Оған бұған дейін 5 жыл бас бостандығынан айыру түріндегі жазасы тағайындалған еді. Кейін өтелмеген бөлігі өзгертіліп, аудандық сот үкімімен тағайындалған 3 жыл 2 ай 29 күн мерзімге бас бостандығын шектеуге ауыстырылды. Пробациялық бақылау орнатылған. Есепке қою кезінде сотталған бас бостандығын шектеу түріндегі жазаны өтеудің шарттары мен тәртібімен, оған сот жүктеген міндеттермен және оларды орындамаудың салдарымен танысты.
СҚО Тайынша аудандық сотына бас бостандығын шектеу, бас бостандығынан айыру түріндегі жазаның өтелмеген мерзімін ауыстыру туралы мәселені шешу үшін сотталған С-ға қатысты ұсыным жіберілді.
СҚО Тайынша аудандық сотының қаулысымен бұл ұсыныс өндіріске қабылданды және ұсынысты қарастыру тағайындалды. Сотталған осы қаулымен таныстырылды. Сондай-ақ, тұрғылықты жері бойынша тексерілді, онда оған пробациялық бақылаудан жалтарған жағдайда жауапкершілік туралы түсіндірілді. Бас бостандығын шектеуді бас бостандығынан айырумен ауыстыру туралы сот процесіне пробация қызметіне келуге міндетті туралы түсініктеме алынды, сотталған С-мен кезекті рет әкімшілік құқық бұзушылықтарға және бас бостандығын шектеу түріндегі жазаны өтеу шарттарын, тәртібін бұзуға жол бермеу бойынша профилактикалық әңгіме өткізілді.
– Сотталған ер адам пробация қызметіне тағайындалған сот процесіне қатысқан жоқ. Осыған байланысты сотталғанның досы тұратын тұрғылықты жері бойынша тексерілді. Оның досы осы мекенжайда отбасымен тұратынын түсіндірді. С.есімді сотталғанның қайда екенін білмейтінін айтты. Сотталғанның анасынан да жауап алынды, ол ұлының үйден бірнеше күн бұрын кеткенін, қайда екенін білмейді, сондай-ақ ер адам пробация қызметі бөлімінде тіркеуге келмеген, – деді СҚО бойынша ҚАЖ департаментінде.
Сотталғанның ұялы нөміріне қоңырау соғылды, бірақ бұл нөмір сөндірулі болды, сондықтан оның орналасқан жерін анықтауға мүмкіндік болған жоқ. Осылайша сотталған пробациялық бақылаудан әдейі жасырынған.
Осыған байланысты Тайынша ауданының ПҚБ қызметкерлерімен алғашқы іздестіру іс-шаралары жүргізілді. Бастапқы іздестіру іс-шараларының нәтижелері бойынша сотталғанның орналасқан жерін анықтау мүмкін болмады.
Сотталған ер адам үшін түзету жолына тұруға, отбасымен үйде тұруға, жұмыс істеуге және бостандықта болуға мүмкіндік берілді, бірақ ол осы мүмкіндікті пайдаланбай, өзі үшін қорытынды жасамады.
Осыған байланысты СҚО Тайынша аудандық сотына С.есмді сотталғанды “күзетпен ұстау» түріндегі бұлтартпау шарасымен іздестіруге жариялау туралы ұсыныс жіберілді.
Кейін сотталған Тайынша ауданының ПБ қызметкерлерімен ұсталды.
Сот пробация қызметінің сотталғанға қатысты ұсынысын қарап, бас бостандығын шектеу түріндегі жазаны өтелмеген мерзімге 2 жыл 4 ай 26 күнге ауыстырды.
