БҚО-да балалар кинология қызметімен танысты, – деп хабарлайды Polisia.kz.
Бүгін Халықаралық балаларды қорғау күніне орай облыстық еріктілер мен БҚО ПД-нің қолдауымен он отбасының мүмкіндігі шектеулі балалары кинологиялық орталықтың жұмысымен танысты. Оған қоса шара барысында балаларға сыйлықтар таратылды. Бүлдіршіндерге қуаныш сыйлаған шара «Мейірімділік» акциясы бойынша бірнеше күннен бері ұйымдастырылуда.
Есірткі мен жарылғыш заттарды табуда иісшіл иттер теңдессіз нәтиже көрсетеді. Қылмыскерді оңай құрықтаумен қатар, қоғам қауіпсіздігі үшін олардың тигізер пайдасы мол.
Бүгін мүмкіндігі шектеулі он бала ата-аналарымен облыстық кинология орталығында экскурсияда болып, орталықтағы қызметтік иттерді көзбен көрді. Кинологтар балаларға мамандандырылған иттердің жұмыстары туралы баяндап, иттердің қойылымын тамашалады. Сонымен қатар, Кинологиялық қызмет орталығының қызметкерлері балаларға орталық атынан арнайы сыйлықтарын табыс етті.
– 1 маусым – Балаларды қорғау күні мерекесімен барша бүлдіршіндерді құттықтаймын. Әлем – сіздермен жарқын, әрі көңілді. Ал сыңғырлаған күлкілеріңіз айналамызды нұрландырады. Әрбір бүлдіршін – бақытты болуы үшін жаралған. Тек бүгін ғана емес, әр күндеріңіз мереке мен шатыққа толы болсын. Сіздерге үлкен сенім артамыз, – деп БҚО ПД бастығы Махсудхан Аблазимов балаларға өз шынайы лебізін білдірді.
Шара барысында балаларға ойын-сауық бағдарламалар мен түрлі сыйлықтар табысталып, балалар кинотеатрда мультфильм тамашалады.
