Атырау полицейлері жанар-жағармай тасыған екі көлікті ұстады, – деп хабарлайды Polisia.kz.
Полиция қызметкерлері Мақат ауданы аумағынан шыға берісінде екі «Газель» автокөліктерін тоқтатып, тексеріс барысында, көлік үстіне тиеп алған жанар-жағармай сұйықтықтары, сонымен қатар, сол сұйықтықты соруға және айдауға арналған құрылғыларды анықтады.
– Тексеріс барысында, қос көлік жүргізушілері 1984 және 1992 жылдары туған ер адамдарда жалпы салмағы 6,6 тонна сұйықтыққа қатысты ешқандай құжаттар болмай шықты. Тәркіленген жанар-жағармайға сараптама тағайындалды, – деді Атырау облысы Полиция департаментінің бастығы Қамза Үмбетқалиев.
Аталған дерек бойынша ҚР ҚК-тің 197 бабы- «Мұнайдың және мұнай өнiмдерiнің шығарылу заңдылығын растайтын құжаттарсыз оларды тасымалдау, иемдену, өткiзу, сақтау» бойынша сотқа дейінгі тергеп-тексеру жүргізіліп жатыр.
