Екібастұзда ұры қылмыс орнында ұсталды, – деп хабарлайды Polisia.kz.
Екібастұз қалалық ПБ кезекші бөлімінің «102» пультіне Қонаев көшесіндегі жұмыс істемейтін базадан қозғалысқа арналған бейнекамералар іске қосылғаны туралы хабарлама келіп түсті. Осы фактіні тексеру үшін учаскелік инспекторлар оқиға орнына барды.
Учаскелік полиция инспекторлары Н. Оспанов және А.Кәрібаевпен келген бойда базаның аумағына қоршау арқылы өтіп, алюминий конструкцияларды ұрлауға тырысқан 21 жастағы қала тұрғынын ұстады. Ұстау кезінде соңғысында металл кесетін құралдар болған.
– Қазіргі уақытта аталған факті бойынша ҚР ҚК 188-бабы (Ұрлық) бойынша сотқа дейінгі тергеу жүргізілуде, – деп хабарлады Павлодар облысы ПД баспасөз қызметі.
