Елордалық ПД-да «Менің полициям» байқауының жеңімпаздары марапатталды, – деп хабарлайды Polisia.kz.
Астана қаласы полиция департаментінің бастығы Марат Төлебаев осы жылдың 26 қазаны мен 20 қарашасы аралығында өткен «Менің полициям» шығармашылық байқауының жеңімпаздарын марапаттады.
Байқау дарынды және талантты балаларды қолдау, олардың отбасына, өз еліне деген сүйіспеншілігін арттыру, балаларды полицияның қызметіне бағдарлау, құқық бұзушылыққа қарсы дүниетанымды қалыптастыру мақсатында өтті.
Байқауға 9-15 жас аралығындағы балалар «Үздік эссе», «Үздік Тик-ток», «Үздік бейнеролик» номинациялары бойынша қатысты. Байқау өзіндік ерекшелік, шығармашылық, тақырыпқа тереңдік пен мағына беру, ой ерекшеліктері сияқты критерийлер бойынша бағаланды.
Эссе байқауында бірінші орынды Нұрәлі Кенжеғожа иеленді, үздік бейнеролик үшін Айзере Қорғанбекова марапатталды. Екінші орында эссе үшін Малика Байшулакова, бейнеролик үшін Нұржанұлы Нұрхан иеленді. Үшінші орын алты балаға бөлінді. Олардың ішінде Амангелді Бақберген, Кәусар Әбдімәлік және т. б. бар.
Конкурсқа қатысушылардың жұмыстары ведомстволық БАҚ және әлеуметтік желілерде жарияланатын болады.
Байқау жеңімпаздары грамоталармен, алғыс хаттармен және сыйлықтармен марапатталды.
