ІІМ қоғаммен серіктестікте Қоғамдық қауіпсіздікті қамтамасыз ету тұжырымдамасының әзірленіп жатқан жобасын қоғамдық талқылауға шығарады, – деп хабарлайды Polisia.kz.
Бұл стратегиялық құжат “халық үніне құлақ асатын мемлекет” қағидатына сәйкес қоғамның нақты сұраныстарына бағдарлана отырып дайындалады.
Оның дамуына қоғам, халықаралық және ұлттық сарапшылар, ғылыми қоғамдастық белсенді қатысады.
Тұжырымдаманың негізгі мақсаты:
– азаматтардың өмірін, денсаулығын, мүлкі мен құқықтарын қылмыстық қол сұғушылықтан қорғауды күшейту;
– қауіпсіз қоғам құру;
– қоғамдық қауіпсіздікті қамтамасыз етудің қолданыстағы тетігін ғылыми деректер мен әріптестікке негізделген қазіргі заманғы превенция жүйесіне трансформациялау үшін жағдай жасау;
Тұжырымдама шеңберінде мемлекеттік органдар мен әкімдіктерді жауапкершілікпен тарту, барлық мүдделі тараптармен және азаматтармен әріптестік орнату, сондай-ақ қоғамдық қауіпсіздік мәселелері бойынша есептіліктің ашық жүйесі жоспарланып жатыр.
Бұдан басқа, онда бюрократиялықтан қоғам сұраныстарына бағдарланған полиция жұмысының адамға бағытталған моделіне көшу жөніндегі шаралар бекітілетін болады.
Жобамен мына сілтеме бойынша таныса аласыз https://www.gov.kz/memleket/entities/qriim/documents/details/433064?lang=kk
Азаматтық қоғам институттарының өкілдері, тәуелсіз сарапшылар және жай ғана бей-жай қарамайтын азаматтар өз ұсыныстарын мына мекен-жайға жібере алады: concept_MVD@mail.kz
