Алматыда кәріз ұрлығына қатысты бірнеше қылмыстың беті ашылды, – деп хабарлайды Polisia.kz.
Кәріз және арық жүйелерінің қақпақтарын ұрлау Алматы қаласының Жетісу ауданында орын алды.
Түн ішінде “Құлагер” ықшамауданында 27 кәріз қақпағы жоғалып кетті.
“Бұл қылмыс алдымен әлеуметтік желілерден белгілі болды, сосын бірнеше сағаттан кейін ЖШС иесі, полицияға ресми мәлімдеме жасады, ол қаскөйлер келтірген материалдық шығын шамамен 500 мың теңгені құрады деп айтты. Ұрлықты “ізін суытпай” ашу үшін олар жедел-тергеу тобын құрып, бейнебақылау жүйесін бақылады. Нәтижесінде үш күдікті анықталып, кейін қамауға алынды. Бұл – Алматы облысы, Еңбекшіқазақ ауданының 27-37 жас аралығындағы тұрғындары. Ұрланған затты сату орны да анықталды – бұл қаланың Алатау ауданында орналасқан металл жинау орны. Жауап алу кезінде ұсталғандар ұрланған қақпақтарды 60 мың теңгеге сатқанын және оларды өзара тең бөлгендерін түсіндірді”, – деп хабарлады Жетісу аудандық Полиция басқармасының басшысы Дархан Мұсанов.
Баяндамашы айыпталушылардың қамауға алынғанын айтты. Қазіргі уақытта сатып алушыны анықтау және ұрланған заттарды тәркілеу бойынша шаралар қабылданады.
Ұсталғандардың жеке басы осыған ұқсас қылмыстарға қатысы бар-жоғына тексерілІп жатыр.
