Көлік полицейлері халықаралық әуе рейсінің жолаушысынан діни мазмұндағы 63 кітап тәркіледі, – деп хабарлайды Polisia.kz
Шымкент қаласының әуежайында «Стамбул – Шымкент бағытындағы рейс ұшып келгеннен кейін жүктерді тексеру барысында Түркістан облысының 55 жастағы тұрғыны анықталып, ұсталды. Жолаушыдан діни мазмұндағы 63 кітап табылып, тәркіленді.
Шымкент станциясындағы көлік полицейлері ер адамға қатысты ҚР ӘҚБтК-нің 490-бабы 1-бөлігі 3-тармағы (Қазақстан Республикасының діни қызмет және діни бірлестіктер туралы заңнамасын бұзу) бойынша әкімшілік хаттама толтырылып, сотқа жолдады.
Шымкент қаласының Мамандандырылған ауданаралық әкімшілік сотының қаулысымен ер адам әкімшілік жауапкершілікке тартылды және оған 50 АЕК (153 150 теңге) мөлшерінде әкімшілік айыппұл салынды.
