Көліктегі ПД-да ішкі істер органдарының ардагерлерімен кездесу өтті, – деп хабарлайды Polisia.kz.
Көліктегі полиция департаментінің бастығы Бақытжан Малыбаевтың ішкі істер органдарының ардагерлерімен кездесті. Оған ішкі істер органдарының 12 ардагері қатысты. Олардың қатарында В.Ванюшов, Е.Балмағамбетов, Т.Әбішев, Ғ. Жағыпаров және басқалар болды.
Іс-шараны ашқан Б.Малыбаев ардагерлер ішкі істер органдарының қызметіне баға жетпес үлес қосып, көп жылдық тәжірибесін жас мамандарға беріп, жастармен профилактикалық және тәрбие жұмыстарына көмек көрсетіп келе жатқанын атап өтті. Ол сондай-ақ қазіргі уақытта полиция алдында тұрған міндеттер туралы айтты.
Ведомство басшысы мен ардагерлер түрлі мәселелер бойынша пікір алмасты, Қазақстан Республикасының Президенті Қасым-Жомарт Тоқаевтың Жолдауындағы халыққа тұрақты көмек көрсету, азаматтардың өтініштеріне уақытылы ден қою және «сервистік полицияға» көшу жөніндегі басым бағыттарын іске асыру бойынша қабылданған шараларды талқылады.
Ардагерлер кеңесінің төрағасы Есболат Шаймерденов Көліктегі ПД бастығына ардагерлерге көңіл бөлгені үшін алғысын білдіріп, өзара бірлескен іс-шараларды жүзеге асыруға үлес қосатындықтарына сендірді. Оның айтуынша, қазіргі уақытта Көліктегі ПД ардагерлер ұйымында 2 мың адам бар.
Кездесу барысында еліміздің бас көлік полицейі Б. Малыбаев ІІО ардагері Өмірзақ Қуатовты 80 жылдығымен құттықтап, оған «ІІМ құрметті ардагері» медалін табыс етті. Сондай-ақ ол Қазақстандық ІІО ардагерлер кеңесінің және Ұлттық ұланының төрағасы Өмірзақ Болсамбеков атынан жақында 75 жасқа толған Ванюшов Василий Петровичке «ІІМ Құрмет грамотасын» табыс етті. Көліктегі ПД басшысы мерейтой иелеріне зор денсаулық, ұзақ өмір және отбасылық амандық тіледі.
