Маңғыстау облысы бойынша ҚАЖД ГМ-172/10 мекемесінде ұлы ақын Жамбыл Жабаевтың 175 жылдық мерейтойына арналған мерекелік іс-шара өткізілді, – деп хабарлайды Polisia.kz.
Іс-шара барысында жазасын өтеп жатқан азаматтарға ұлы ақын Жамбыл Жабаевтың өмірі мен шығармашылығы туралы бейнеролик көрсетілді.Шараға қатысқан сотталған азаматтар «Өмір-ай», «Менің әкем», «Қылықты қыз», «Бұл өмірде», «Жол» және т.б. әндерді шырқап, Ж.Жабаевтың «Патша әмірі тарылды», «Ленинградтық өренім», «Алғадай» өлеңдерін оқыды.
Іс-шараның мақсаты – сотталған азаматтардың шығармашылыққа, қазақ әдебиетіне, өнерге деген қызығушылығын арттыру болып табылады.
Мерекелік іс-шара соңында ГМ-172/10 мекемесі бастығының тәрбие жұмыстары жөніндегі орынбасары Е.Сузақбаев барлық қатысушыларға алғысын білдіріп, мұндай іс-шаралардың алдағы уақытта жүйелі түрде өткізіліп тұратынын айтты.
