Маңғыстаулық полицейлерге қызметтік автокөліктің кілті табысталды, - деп хабарлайды Polisia.kz.
Өңірдегі республикалық және жергілікті маңызды тас жолдардағы жол-көлік оқиғаларының алдын алу мақсатында Маңғыстау облысы ПД бастығы Аян Дүйсембаев жол патрульдік полиция қызметкерлеріне қызметтік автокөліктердің кілтін табыстады. Табысталған жаңа жеті автокөліктің барлығы жылдамдық өлшеуге арналған “Кибер-шериф” құрылғыларымен жабдықталған.
- Патрульдік автокөлік санының артуы жолдағы қауіпсіздікті арттыруда оң нәтиже береді деген үміттеміз. Ең бастысы - азаматтардың амандығы мен қоғамымыздың тыныштығы, - деп атап өтті облыстың бас полицейі Аян Дүйсембаев.
