Мас екібастұздық 9-қабаттағы балконның күнқағарында ұйықтап қалған, – деп хабарлайды Polisia.kz.
Екібастұз қаласы Полиция басқармасының кезекші бөліміне Сәтпаев көшесінің 9-қабатындағы балконның күнқағарында ер адам жатқаны туралы хабарлама келіп түсті. Оқиға орнына дереу автопатруль жіберілді, жедел медициналық көмек және төтенше жағдай қызметі шақырылды.
– 39 жастағы ер адам үйдің төбесіне шатыр арқылы көтерілгені, содан кейін тоғыз қабатты үйдің балконына түскені белгілі болды. Ол пәтерге кіруге тырысты. Екібастұздық тоғыз қабатты үйдің биіктігінде жарты сағат бойы жатты, – деп хабарлады Павлодар облысы ПД баспасөз қызметі.
Құтқарушылар ер адамды түсірді. Осыдан кейін полиция қызметкерлері қала тұрғынын медициналық куәландыруға жіберді, оның қорытындысы бойынша ер адам мас күйінде болғаны анықталды. Аталған факті бойынша ҚР ӘҚБтК-нің 440-бабы 3-бөлігі бойынша әкімшілік іс қозғалды.
Ер адамның бұрын құқық бұзушылықтың осы түріне тартылғанын ескерсек, оны қайталағаны үшін 5 тәулікке дейін әкімшілік қамауға алынуы мүмкін. Материал шешім қабылдау үшін сотқа жіберілді.
