Ақтөбе облысында мас күйінде көлік айдаған 13 жүргізуші жауапкершілікке тартылды,-деп хабарлайды Polisia.kz.
«Қауіпсіз жол» жедел–алдын алу іс-шарасын өткізудің бірінші
күнінде Ақтөбе облысында 13 мас күйінде көлік айдаған жүргізушілер
анықталды.
Ағымдағы жылдың 12-14 ақпан аралығында Ақтөбе облысының
аумағында «Қауіпсіз жол» республикалық жедел-алдын алу іс-шарасы өтуде.
Бірінші күні 470 әкімшілік құқық бұзушылық тіркелді. Оның ішінде 13
жүргізуші мас күйінде басқарғаны үшін, 2 жүргізуші қарама-қарсы жолға
шыққаны үшін, 40 жүргізуші жылдамдықты арттырғаны үшін, ұялы
телефонды пайдаланғаны үшін 59 жүргізуші, 63 жүргізуші қауіпсіздік
белдігін тақпағаны үшін, 20 жүргізуші жаяу жүргіншілерге жол бермегені
үшін және 104 адам жаяу жүргіншілер жол ережесін бұзғаны үшін
жауапкершілікке тартылды.
