Әйелдер мерекесі қарсаңында Polisia.kz сайты өз оқырманын құқық қорғау органдары саласында жұмыс істейтін табысты әйелдермен таныстыруын жалғыстырады.
Халықаралық әйелдер күні қарсаңында біздің психологымыз Жұлдыз Рушанова жайында айтқымыз келеді, ол өз өмірін ішкі істер органдарындағы қызметке арнаған.
Жұлдыз Рушанова 1980 жылғы 10 қаңтарда Павлодар облысы Лебяжі ауданы Тақыр ауылында дүниеге келген. 2008 жылы Инновациялық Еуразия университетін «Жалпы практика психологы» мамандығы бойынша бітірді. Ол мектепте жұмыс істегісі келген, бірақ 2009 жылы тағдырдың жазуымен, Кәмелетке толмағандарды уақытша бейімдеу мен оңалту орталығына психолог болып өмірдің қиын жағдайларына тап болған балалармен жұмыс істеу үшін қабылданды. Жұмыс өте жауапты болды, бұл балаларға бір уақытта ана, педагог және дос болу керек болды. Нәтижелер келесі күні көзге түсті. Балалар бір-біріне, сондай-ақ біраз уақыт бойы олардың отбасы болған қызметкерлерге сенуге үйренді. 2011-2018 жылдар аралығында Ішкі істер желілік бөлімінде жеке құраммен жұмыс істеді. 2018 жылы Павлодар облысы ТЖ Департаментінің кадр саясаты бөлімінің бас маманы болып тағайындалды.
Жұлдыз бұл жерде де қызметкерлерге психологиялық көмек көрсету бойынша жұмысты өте жақсы ұйымдастырады, қызметкерлердің кәсіби маңызды қасиеттерін дамытады, басшыларға моральдық-психологиялық климатты жақсарту үшін ұсыныстар береді, кәсіби оқу, психологиялық бағыт шеңберінде дәрістер өткізеді.
Жеке құрам арасында суицидтік мінез-құлықтың алдын алу бойынша жұмыстарды ұйымдастырады. Департамент қызметкерлеріне әдістемелік және практикалық көмек көрсетеді.
Психофизиологиялық зерттеуді зерделеу және жұмыстан шығару себептерін анықтау мақсатында кандидаттарды қызметке қабылдау және департамент қызметкерлерін жұмыстан шығару кезінде әңгімелесу және тестілеу жүргізеді.
Төтенше жағдайлар нәтижесінде зардап шеккендерге және дүлей зілзалалар мен апаттар салдарын жою жағдайында тікелей төтенше жағдайлар ошақтарында жұмыс істейтін кәсіби контингентке шұғыл психологиялық көмек көрсетеді.
Психологиялық қызметпен қатар кейіпкер полиграфологиялық зерттеулерді жүзеге асырады, оның арқасында бүгін азаматтық қорғау органдарының 140 қызметкері кезекті аттестаттаудан өтті.
Жұлдыз жұмыс көлемі, жүктеме және қызметтегі жиі болып тұратын күшейтілген режимдерге қарамастан тамаша көп балалы ана. Үйге келгенде, ол балаларына көңіл бөледі. Олардың сүйікті тағамдарын және түрлі тосын сыйларды қуана дайындайды. Жұбайы Руслан Рушанов әрдайым
оның қызметіне, іссапарларына түсіністікпен қарайды, оны әрдайым қолдайды. Олар отбасында екі ұл және екі қыз тәрбиелеп отыр. Ұлдары спортпен табысты айналысады, жарысқа шығады.
Демалыс күндері Рушановтар отбасы шаңғы базасында, мұз айдынында, төбешікте және бассейнде уақытты қуана өткізеді.
Ішкі істер органдарында қызмет еткен жылдары Жұлдыз Рушанова ҚР ІІМ грамотасымен, Көліктегі ІІД басшылығының грамоталарымен марапатталды.
