Ақтөбе облысында 90-нан астам шетелдік пен Қазақстан Республикасының азаматтары әкімшілік жауапкершілікке тартылды, – деп хабарлайды Polisia.kz.
Ақтөбе облысының аумағында 10-17 наурыз аралығында «Мигрант» республикалық жедел алдын алу іс-шарасы өтуде.
Іс-шараның негізгі мақсаты – заңсыз көші-қон арналарын анықтау, заңсыз еңбек қызметімен айналысатын шетелдіктерді анықтау және шетелдіктердің облыс аумағында болуын бақылауды күшейту.
Алғашқы күні көші-қон заңнамасын бұзғаны үшін 90-нан астам шетелдік пен Қазақстан Республикасының азаматтары әкімшілік жауапкершілікке тартылды.
Қазақстан Республикасынан тыс жерлерге бір шетелдік шығарылды. Полиция қызметкерлері қолданыстағы заңнама аясында көші-қон ағынын реттеу бойынша тұрақты негізде шаралар қабылдап жатқанын атап өткіміз келеді.
