Орманда жоғалып кеткен тұрғынды Щучинск қаласының полицейлері тапты, – деп хабарлайды Polisia.kz.
19 қыркүйек күні таңертең Щучинск қаласының 64 жастағы тұрғыны саңырауқұлақтар жинау үшін орманға аттанды. Ер адам скутерімен қала аумағынан шығып, скутерді орманның шетінде қалдырып, саңырауқұлақтарды жинауға кеткен. Саңырауқұлақтарды жинаудың қызығына түскен зейнеткер қалай жоғалғанын байқамай қалды. Бақытына орай, онымен бірге ұялы телефоны болды. 102 нөміріне қоңырау шалып, ол жоғалғанын хабарлады.
Бурабай ауданының полиция бөлімінің патрульдік полиция ротасының аға инспекторы Нұрбек Мұхтаев зейнеткерге көмекке келді. Ол зейнеткердің ұялы телефонына қоңырау шалып, оның өткен маршрутын сұрастырды. Айтқан бағытпен жүре бастады. Полицей алғашында скутерді тауып алды, ер адам телефон арқылы айтқан бағыт бойынша жүрді. Біраз уақыт полицей орманда адасқан адамды айқайлап шақырды.
Іздеу сәтті өтті. Полицей қалың орманның ішінде саңырауқұлақ жинаушысын тапқан кезде зейнеткердің қуанышында шек болмады. Ер адам тәртіп сақшысына алғыс айтып, зор денсаулық пен қызметте табыс тіледі.
– Аға лейтенант Мұхтаевқа рахмет. Ол қалың орманда айқай салып мені тауып алды. Оған рахмет. Қажетті қызмет атқаруда!, – деді ол.
