Павлодар облысы полиция департаментінің тарих және жауынгерлік даңқ мұражайында жас қызметкерлердің отставкадағы полиция полковнигі Ерғанат Дүйсекеновпен кездесуі өтті, – деп хабарлайды Polisia.kz.
Ерғанат Жұмашұлы ішкі істер органдарындағы еңбек жолын 1974 жылы бастады, қызмет еткен жылдары лейтенанттан полковникке дейінгі жолды өтті. 10 жылдан астам уақыт МАИ жұмысын басқарды, ал 1994 жылы Екібастұз ІІБ бастығының орынбасары лауазымына тағайындалды. 1995 жылғы желтоқсанда Павлодар облысы бойынша мемлекеттік-тергеу комитеті басқармасы бастығының орынбасары болып тағайындалды. Содан кейін Павлодар қаласының Оңтүстік ІІБ басқарды, ал 2003 жылы Қазақстан Республикасы ІІМ училищесінің бастығы болып тағайындалды.
Кездесу барысында ардагер әріптестерімен өзінің еңбек күніндегі оқиғаларымен бөлісіп, полиция қызметкерлерінің жұмыстың қандай аспектілеріне ерекше назар аудару керектігін айтты. Диалог барысында Ерғанат Дүйсекенов жас полицейлердің назарын қазіргі жастар құрбан болуы мүмкін лудомания, нашақорлық мәселелеріне аударды.
Сондай-ақ олардың қылмыспен қалай күресіп, аймақтағы қоғамдық және жол қауіпсіздігін қамтамасыз еткендігі туралы мысалдар келтірді. Жедел реакцияны, жағдайды жедел бағалауды және жауапты және ерікті шешім қабылдауды талап ететін өткір сәттерге тоқталды. Ол нағыз полицей қандай қасиеттерге ие болуы керек екенін айтты. Бұл әрине, психологиялық тұрақтылық, шыдамдылық пен ұстамдылық, адалдық, тектілік және еңбекқорлық. Әңгіменің ерекше және маңызды сәті қызмет өткеру кезінде қызметкерлердің жеке қауіпсіздігі туралы болды.
Өз кезегінде, Павлодар облысы ПД кадр саясаты басқармасы бастығының орынбасары Ренат Киреев қонаққа полиция қызметкерлерінің жас ұрпағын патриоттық және адамгершілік тәрбиелеуге қосқан зор үлесі үшін алғыс айтып, ардагерлердің жастармен, полиция қызметкерлерімен жұмысы баға жетпес мұраның берілуін, ұрпақтар сабақтастығы мен байланысын қамтамасыз ететінін атап өтті.
Жас қызметкерлерді тәрбиелеудің бұл тәсілі ішкі істер органдарының үздік дәстүрлерін сақтауға және қазіргі Павлодар полициясының мамандарын тәрбиелеуге мүмкіндік береді.
