Павлодар облысында мал ұрысы тұрғынның 46 жылқысын жымқырып кетті, – деп хабарлайды Polisia.kz.
11 қарашада Баянауыл ауданының полициясына ауыл тұрғынынан 2021 жылғы 30-31 қазан аралығында қырлы жерден оған тиесілі 46 бас жылқының жоғалғаны туралы телефон хабарламасы келіп түсті.
– Жылқыларды іздеу бойынша жедел-тергеу тобы дереу құрылды, аймақтың барлық аумақтық бөлімшелеріне және жақын облыстарға бағдарлар жіберілді. Жедел-іздестіру іс-шараларының нәтижесінде полиция қызметкерлері күдіктіні ұстады, ол Қарағанды облысының 36 жастағы тұрғыны болып шықты, – деп хабарлады Павлодар облысы Полиция департаментінің бастығы Нұрлан Мәсімов.
Полиция атап өткендей, 37 бас жылқы иесіне қайтарылды, қалған малдар арқылы ұсталған өз қарыздарын өтеген. Айта кету керек,малды ұзақ уақыт қараусыз қалдыру қылмыс жасаудың себебі болған.
Ұсталған адамға қатысты Қазақстан Республикасы ҚК-нің 188-1-бабы 4-тармағының 2-бөлігі (Аса ірі мөлшерде мал ұрлығы) бойынша сотқа дейінгі тергеу жүргізілуде. Күдікті УҰИ-ға қамауға алынды.
