Павлодар облысында полицейлер жоғалған әкесі мен баласын тапты, – деп хабарлайды Polisia.kz.
3 мамыр күні сағат 21:03-те полицияға күйеуі мен алты жасар баласын іздеген әйел жүгінді. Ол 2 мамыр күні сағат 18:00-де жұбайымен ұрсып қалғанын айтты. Содан кейін 33 жастағы күйеуі алты жасар ұлын өзімен бірге алып, үйден кетіп, оралмаған. Бала мен әкені іздеуге ПД-нің барлық жеке құрамы қатысты. Бағдарлар барлық аумақтық бөлімшелер мен шекара маңындағы өңірлерге жіберілді. Іздеуге еріктілер мен жанашыр азаматтар жұмылдырылды, – деді Жергілікті полиция қызметінің ерекше тапсырмалар жөніндегі аға инспекторы Бибігүл Қамзина.
Іздеу шаралары барысында жертөлелер, үй шатырлары, сауда орталықтары тексеріліп, отбасының туыстарымен, көршілерімен және таныстарымен әңгімелер жүргізілді.
– Бұл жағдайды полиция резонанстық оқиға ретінде қарастырады. Баланың қайда және кіммен кездесетінін таңдауға құқығы болмады, өйткені әкесі жауапсыз, сұрамай, оны алып кетті, – деп атап өтті полицияда.
Нәтижесінде Павлодар облысының полицейлері мен еріктілер әкесі мен баланың тұрған жерін анықтады. Ол досының үйінде болған. Ата-аналардың мінез-құлқын Павлодар қаласының Кәмелетке толмағандардың істері және олардың құқықтарын қорғау жөніндегі комиссиясы қарайды, онда ата-аналардың іс-әрекеттеріне баға беріледі.
Айта кету керек, жыл басынан бері полицияға жоғалған баланы құтқару туралы 59 заңды өкіл жүгінген, оның 54-і тек Павлодар қаласында ғана. Барлық кәмелетке толмағандар табылып, ата-аналарына қайтарылды.
