Павлодар облысында сотталғандар зағип жандар үшін дойбы мен шахмат жасады, – деп хабарлайды Polisia.kz.
№46 (ең жоғары қауіпсіздік) мекемеде жазасын өтеп жатқан сотталғандар зағип павлодарлықтар үшін дойбы мен шахмат дайындады. Бұйымдар Павлодар қаласының зағип және нашар көретіндерге арналған мамандандырылған кітапхана қызметкерлеріне сыйланды. Кітапхана қызметкерлері өз кезегінде сотталғандарға 50-ден астам кітап сыйлады. Іс-шара Халықаралық кітап беру күніне орай ұйымдастырылды.
– Мамандандырылған кітапхана қызметкерлері бізге дойбы мен шахмат жасап беруімізді өтінді. Біз оларға бұрын да осындай бұйымдарды сыйлағанбыз, алайда кітапханада оқырмандардың көптігінен барлығына шахмат жетіспейді. Біз отряд бастықтарына өтініш бердік, олар сотталғандарға айтты. Бірнеше тұтқын үндеуге жауап берді. Олар өндіріс технологиясын біледі, сондықтан да олар мұны бұрын жасаған. Дойбы мен шахмат зағиптар ақты қарадан ажыратып, ойнай алатындай етіп жасалған. Кішкентай зағип және нашар көретін павлодарлықтар үшін Брайль әліпбиі де алып келінді. Сыйлық ретінде біз колонияның кітапхана қорына 50-ден астам кітап алдық, – деді мекеме қызметкері Данияр Касимов.
Колония қызметкерлерінің айтуынша, бұл алғашқы достық кездесу емес. Бұған дейін де тұтқындар қала тұрғындары үшін шахмат, дойбы, грифельдер, Брайль әліпбиі, сонымен қатар тіпті Павлодар облысының картасын жасаған болатын.
