Павлодар облысында жол ережесін бұзған 874 жүргізуші анықталды, – деп хабарлайды Polisia.kz.
Белгіленген жол жүру ережелеріне және оларды сақтау туралы полицияның үнемі ескертуіне қарамастан, жүргізушілер бұл ережелерді түбегейлі елемейді.
– Биыл мұндай тәртіпсіз 874 жүргізуші тіркелді. Көлік жаяу жүргіншілер өткелінен өтіп кетіп, ер адамды соғып кете жаздады. Ломов көшесінің бойындағы оқиғаның куәгері полицияға хабарласқан, – деді Павлодар облысының Полиция департаментінде
– Өткел реттелмеген, бірақ жаяу жүргінші жолды кесіп өтуге кірісті, ал оның алдынан көлік өтіп кетті. Бұл өте қорқынышты, – деп шағымданған әйел.
Дәл сол күні Катаев бойымен Толстойға қарай бет алған қара көк түсті Toyota көлігінің жүргізушісі де жаяу жүргіншіні өткізбей қойған.
Екі жағдайда да көлік жүргізушілері анықталып, оларға қатысты ӘҚБтК-нің 600-бабы (Жаяу жүргiншiлердің немесе жол жүрiсiнiң өзге де қатысушыларының жүруiне басымдық бермеу) бойынша әкімшілік хаттамалар жасалып, соған сәйкес жауапкершілікке тартылады.
Сонымен қатар, бұзушылармен әңгімелесу жүргізілді. Мұндай фактілер ойлануға негіз береді, өйткені зебраға аяқ басқан адам өзін қорғалған деп санайды, бірақ өкінішке орай, бұл әрдайым бола бермейді. Сондықтан полицейлер облыс тұрғындарына қаншалықты асығыс болса да, көлік жүргізу тәжірибесі қаншалықты көп болса да, адам өмірі мен денсаулығы әрқашан бірінші орында тұруы керек екенін ескертеді.
