Павлодар облысының бас полицейі учаскелік полиция пункттерін тексерді, – деп хабарлайды Polisia.kz.
Павлодар облысы Полиция департаментінің бастығы Василий Скляр қаланың бес учаскелік полиция пунктін аралап шықты.
№17, 6, 18, 10 және 3 УПП аралау барысында облыстық полиция ведомствосының басшысы бағыныстыларға бірқатар тапсырмалар берді, оның ішінде Мемлекет басшысының полиция мен халыққа сервистік қызмет көрсетудің «қадамдық қолжетімділігін» қамтамасыз ету бойынша тапсырмалары бар, оның шеңберінде қаланың әлеуметтік проблемалары зерделеніп, азаматтарға кешенді және уақтылы көмек жүзеге асырылады.
Василий Склярдың тапсырмасы бойынша өңір аумағында учаскелік инспекторлар арасында жаңашылдық енгізілуде, оның шеңберінде әрбір учаскелік инспектор өзінің әкімшілік учаскесінде тұратын азаматтарды аралау бойынша журнал бастады.
– Аралау барысында учаскелік полиция инспекторлары тұрғындардың проблемалары мен олардың қызметін жақсарту бойынша ұсыныстарды тыңдайды. Мұндай аралаулардың бір артықшылығы – тұрғындар учаскелік полиция қызметкерін танитын болады. Әрбір учаскелік инспектор күн сайын сеніп тапсырылған аумақта орналасқан 20 пәтерді аралайды. Бір ай ішінде учаскелік инспектор барлық әкімшілік учаскені аралап, өз учаскесінің тұрғындарын білетін болады, – деді Василий Скляр.
Айта кету керек, 2021 жылдың 1 қыркүйегі мен 1 желтоқсаны аралығында Павлодар облысының аумағында «Учаске» жедел алдын алу іс-шарасы өткізілді. Осы ЖПШ аясында учаскелік полицейлер барлық байланыс ақпараты бар визиткаларды таратты. Сондай-ақ, осы учаскеге бекітілген учаскелік инспектормен қызмет көрсету туралы ақпарат олардың аумағында орналасқан барлық объектілерде ілінген.
Сапар барысында Василий Скляр үй тұрғындарымен сөйлесіп, полиция қызметін жақсарту туралы ұсыныстарды тыңдап, олардың учаскелік полиция қызметкерін білетіндігін анықтады.
Сонымен қатар, департамент бастығы учаскелік полиция инспекторларымен әңгімелесті, онда олардың жұмыс жағдайларына қатысты проблемалық және өзекті мәселелер талқыланды. Барлық ұсыныстар мен проблемалық мәселелерді басшы жеке бақылауға алды.
