Павлодар облысы Полиция департаментінің бастығы Нұрлан Мәсімовтің атына Ертіс ауданының тұрғыны Абзал Ахметовтан алғыс хат келіп түсті, ол полицейлерге ұрланған велосипедтерін қайтарғаны үшін алғысын білдірді, – деп хабарлайды Polisia.kz.
13 наурызда Ертіс ауылының тұрғыны полицейлерге белгісіз біреудің аспалы құлыпты бұзып, жазғы ас үйіне заңсыз кіріп, екі велосипедін ұрлағанын айтқан. Келтірілген материалдық шығын 70 мың теңгені құрайды.
– Ұрланған велосипедтерді тапқаны үшін Ертіс ауданының полиция қызметкерлеріне шын жүректен алғысымды білдіремін. Олардың еңбектеріне табыс, өздеріне сәттілік тілеймін. Полиция қызметкерлеріне үлкен рахмет! Біздің отбасымыз үшін велосипедтер өте маңызды, – деді Абзал Арыстанұлы.
