Павлодар полицейлері тұрғындарға «SOS» жедел батырмасының қызметі туралы түсіндіру жұмыстарын жүргізуде
Павлодарда полицейлер «SOS» батырмасы арқылы тұрмыстық зорлық-зомбылық құрбандарына шұғыл көмек көрсетуде, – деп хабарлайды Polisia.kz.
– Павлодар облысының учаскелік полиция инспекторлары «Police 102» жаңа қосымшасымен таныстыру мақсатында жүйелі түрде жұбайы немесе басқа туыстары тарапынан тұрмыстық зорлық-зомбылыққа үнемі ұшырайтын немесе ұшыраған әйелдердің мекен-жайларына барып, аралап жүр. Атап айтқанда, полицейлер қосымшаның «SOS» шұғыл батырмасы туралы айтып береді, оның көмегімен полицияға қоңырау шалып, не болып жатқанын түсіндіруге мүмкіндік болмаған кезде кез келген төтенше жағдайда жедел дабыл белгісін беруге болатынын түсіндіреді. Сонымен қатар, полицияның әрбір кезекші бөлімінде және учаскелік пункттерде тұрмыстық салада құқыққа қайшы әрекеттер жиі орын алатын пәтерлердің тізімі бар, – деді Павлодар облысы Полиция департаментінің бастығы Нұрлан Мәсімов.
«SOS» батырмасын басу арқылы телефонды жай қоюға болады, ал полицей жәбірленушіде не болғанын естіп, көреді. Сонымен қатар, оператор жәбірленушінің деректерін және оның тұрған жерін көреді, соның арқасында автопатруль оқиға орнына жедел жіберіледі.
Павлодар тұрғыны Регина күйеуінің үйге түнде мас болып оралып, жанжал шығарғанын айтты. Аталған азамат былапыт сөйлеп, қол көтеруге де ұмтылған.
– Өз өмірім үшін қорықтым. Бірақ менде болған оқиға туралы полиция операторына айтуға мүмкіндік болмағандықтан, мен жай ғана телефонды алып, «SOS» жедел түймесін – мобильді қосымшадағы бейнеқоңырауды басып, оператор пәтерде болып жатқанның бәрін көріп, естіді. Полиция бірнеше минуттан кейін келді. Полиция қызметкерлері балалармен бірге мені балалары бар әйелдерді бейімдеу орталығына апарды. Ақпан айының басында учаскелік полиция инспекторының маған «Police 102» қосымшасын орнатуға көмектесіп, «SOS»шұғыл шақыру түймесі туралы айтып бергені жақсы болды, – деді.
Бейімдеу орталығында балаларымен бірге тұратын тағы бір қыз өз тарихымен бөлісті.
– Күйеуім мас болғандықтан, мені ұра бастады. Бәрі баланың көз алдында болды, сондықтан ол қатты қорқып қалды. Сол кезде мен тіпті полицияға қоңырау шала алмадым, өйткені күйеуім өте ашулы еді. Содан кейін мен «SOS» жедел батырмасын пайдалануды шештім, бұл мені құтқарды. Полиция көмекке тез келді, – дейді екінші жәбірленуші.
-Павлодар облысының полицейлеріне отбасы-тұрмыстық қатынастар саласында жасалған құқық бұзушылықтар бойынша қоңыраулар күн сайын түседі. Жай күндері бұл шамамен 30 қоңыраудай, ал демалыс күндері – 50-ге жуық. Әрбір фактіні учаскелік полиция инспекторы қарайды. Полиция келгеннен кейін жәбірленушілердің 80% – ы агрессорға қатысты өтініш жазудан бас тартады. Өтініш жазғанда жанжал шығарушы адамға қатысты әкімшілік заңнамаға сәйкес әкімшілік өндіріс қозғалады, – деп түсіндірді Нұрлан Мәсімов.
-«SOS» шұғыл батырмасы арқылы полициядан көмек сұраған бірнеше әйел біздің орталықта балаларымен бірге тұрады. Олар тұрмыстық зорлық-зомбылық құрбаны болды. Айта кету керек, бұл жаңалық – шұғыл шақыру түймесі өте ыңғайлы, ең бастысы, әйел өзін қауіпсіз сезінуі мүмкін. Шынында да, егер бұрын агрессорға шағымдану үшін «102» нөміріне қоңырау шалып, көршілерден көмек сұрау немесе код сөздерін ойлап табу керек болса, енді сіз «SOS» жедел түймесін басуыңыз керек, ал полиция адамға шұғыл көмек қажет екенін түсінеді. Бұл тұрмыстық зорлық-зомбылықтан зардап шегетін тағы да көптеген адамдарды құтқарады деп ойлаймын, – деді «Павлодар қаласының балалары бар әйелдерге арналған бейімдеу орталығы» КММ директорының міндетін атқарушы Фарида Белгібаева.
– Мен осы қосымшаны қолдандым, әкем жиі алкогольдік ішімдік ішеді, сол күні үйде тағы да жанжал шығарды. Қақтығысты тоқтату үшін мен полицияға «Police 102» қосымшасындағы «SOS» жедел батырмасының көмегімен хабарласуды шештім. Қызметкерлер тез келді. Бірден онлайн сот өтті. Менің ойымша, бұл әкеме әсер етті. Сондықтан мен барлығына телефонға жаңа бағдарлама орнатуды ұсынғым келеді. Бұл өте ыңғайлы және ең бастысы, бұл қосымшаның көмегімен сіз өзіңізді қауіпсіз сезінесіз, – деді Павлодар тұрғыны Серік.
Сонымен бірге, полиция қызметкерлері отбасындағы зорлық-зомбылық өткір әлеуметтік проблемаға айналғанын және көбінесе зорлық-зомбылық құрбаны үйдегі шиеленісті жағдайға байланысты полицияға жүгіне алмайтындығын, агрессивті күйеуі немесе бірге тұратын адам оның әңгімесін естіп қалады деп қорқатынын, сондықтан «SOS» шұғыл түймесі көптеген жағдайларда нағыз құтқару тетігі бола алатынын және қайғылы жағдайлардың алдын алатынын айтты.
Ал әзірше Ертіс өңірінің учаскелік полиция инспекторлары өңір тұрғындарына жаңа қосымша туралы түсіндіру жұмыстарын жалғастыруда.
