Павлодарда атты полицейлер қызметін бастады, – деп хабарлайды Polisia.kz.
Жазғы кезеңде авто және жаяу патрульдерден басқа Павлодар қаласының патрульдік полиция батальонының ат взводы да қызмет атқарады. Полицейлер өздеріне сеніп тапсырылған аумақтың барлық периметрі бойынша жағдайды, соның ішінде көліктер өтпейтін жерлерді де назарда ұстауы тиіс. Атты полицейлер көлік жүре алмайтын аймақтар үшін қолайлы. Ең алдымен, бұл – жазғы коттедждер. Рейдтер бөтеннің мүлкін ұрлауға қарсы іс-қимыл, сондай-ақ облыс орталығының бау-бақша кооперативтерінің аумағында қылмыстар мен әкімшілік құқық бұзушылықтардың алдын алу және оларға жол бермеу мақсатында жүргізіледі.
– Полиция қызметкерлері бау-бақша шаруашылығында үнемі рейдтер жүргізетінін атап өткен жөн: бау-бақша аумағында заңсыз жүрген адамдарды анықтау, белгілі бір тұрғылықты жері жоқ адамдарды анықтау және ұрлықтың алдын алу мақсатында тексеріледі. Рейдтік іс-шаралар барысында құрылыс объектілерін, оның ішінде тоқтатылған және қараусыз қалған ғимараттарды, саяжай учаскелерін тексеру ұйымдастырылды, – деді Павлодар облысы ПД бастығының бірінші орынбасары Жасқайрат Қайыров.
Құқықтық тәртіп сақшысы Павлодар қаласының Ертіс өзені мен бау-бақша алқабындағы өрттердің жиілеп кетуіне байланысты облыстық полиция департаменті төтенше жағдайлар департаменті қызметкерлерімен бірлескен рейдтік іс-шаралар өткізу туралы шешім қабылдағанын атап өтті.
– Әдетте, саяжай кезеңінің басталуымен халық құрғақ шөпті өртеп, от жағып, қалдықтар мен қоқыстарды жинап, өртей бастайды. Бұл – өрттің шығуының себептерінің бірі. Бүгінгі таңда саяжай учаскелерін өртеудің алдын алу жөніндегі учаскелік полиция инспекторлары бау-бақша шаруашылықтарының төрағаларымен бірлесіп аумақтарды аралап, қараусыз қалған учаскелерді белгілеп, үйсіз қалған адамдарды анықтап жатыр, – деді Жасқайрат Қайыров.
Полиция шыққан өртке қатысы барлар үшін жауапкершілік бар екені туралы еске салды. Мәселен, ҚР ӘҚБтК-нің 336-бабына сәйкес, қалдықтарды жинау немесе жағу кезінде атмосфералық ауаны қорғау және өрт қауіпсіздігі жөніндегі талаптарды сақтамаған жағдайда 20-дан 500 АЕК-ге дейін айыппұл салуға әкеп соғады. ҚР ӘҚБтК-нің 367-бабы – ормандардағы өрт қауіпсіздігі мен санитарлық ережелердің талаптарын бұзу 10-нан 150 АЕК-ге дейін айыппұл салуға әкеп соғады. Әкімшілік жауапкершіліктен басқа, Қазақстан Республикасы ҚК-нің 202-бабында көзделген бөтеннің мүлкін қасақана жою немесе бүлдіру және Қазақстан Республикасы ҚК-нің 341-бабында-ормандарды жою немесе бүлдіру қылмыстық жауаптылық та қолданылады.
