Павлодарда ішімдікке құмар көпбалалы ана жауапқа тартылды, – деп хабарлайды Polisia.kz.
Павлодар облысы Успен ауданының полиция бөліміне ауыл тұрғыны спирттік ішімдіктерді асыра пайдаланатыны және өзінің кәмелетке толмаған балаларын тәрбиелеу жөніндегі міндеттерді орындамайтыны туралы жасырын хабарлама келіп түсті. Аталған үйге дереу ювеналды полицияның аға инспекторы Дамира Букаева, сондай-ақ кәмелетке толмағандардың істері жөніндегі комиссия келді.
– Ауыл тұрғынына келіп, оның ішімдік ішкенін көрдік, ал үйде бейтаныс адамдар болды. Әйелдің 17, 16, 10, 7 жастағы төрт баласы бар. 17 жастағы бала ғана үйде болса, қалғандары көрші үйде болған, – дейді аға инспектор Дамира Бұқаева.
Ауыл тұрғынына қатысты полицейлер ҚР ӘҚБтК-нің 127-бабының 1-бөлігі (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау) бойынша әкімшілік хаттама толтырып, материалды сотқа жолдады. Сондай-ақ, әйелмен балаларды тиісті тәрбиелеу қажеттілігі туралы профилактикалық әңгіме өткізілді.
Бірақ соған қарамастан, көп ұзамай әйелге тағы да шағым түсті. Тағы да полиция оны әкімшілік жауапкершілікке тартты. Енді материал тек сотта ғана емес, сонымен бірге кәмелетке толмағандардың істері жөніндегі комиссияда да қаралады, онда оның ата-ана құқықтарын шектеу туралы мәселе шешіледі. Полиция бұл азаматша бұрын өте лайықты өмір салтын ұстанғанын және тіпті жергілікті үкіметтік емес ұйымдардың бірінің жетекшісі болғанын, бірақ ішуді жақсы көретін адамдармен байланысып, балаларға қамқорлық жасау оның тікелей міндеті екенін ұмытып кеткенін атап өтті.
