Павлодарда КаМАЗ көлігінен аккумулятор ұрлаған ер адам ұсталды, – деп хабарлайды Polisia.kz.
Павлодар қаласының полициясына 35 жастағы тұрғын көмек сұрап жүгінген. Ол 27 қаңтарда автотұрақ аумағында тұрған КаМАЗ көлігінен заңсыз кіру арқылы «ВОЖАК» екі аккумуляторы ұрланғанын хабарлады. Жәбірленуші келтірілген залалды 140 мың теңгеге бағалады.
Қабылданған шаралармен жедел уәкілдер ұрлық жасады деген күдікпен 46 жастағы ер адамды ұстады.
Сондай-ақ, Тереңкөл ауылының тұрғыны полицейлерге көмек сұрап жүгінді. Ер адамның айтуынша, 30 қаңтарда оның үйінің жанында ВАЗ-2107 көлігінің салонынан белгісіз біреулер автомагнитола ұрлаған. Полиция қызметкерлері 28 жастағы ауыл тұрғынын ұстады. Заттай дәлелдемелер алынып, көлік иесіне қайтарылды.
Ұрлық фактілері бойынша Қазақстан Республикасы ҚК 188-бабы (Ұрлық) бойынша сотқа дейінгі тергеу жүргізілуде.
