Павлодарда жасөспірімге алкоголь өнімін сатқан дүкен иесіне хаттама толтырылды, – деп хабарлайды Polisia.kz.
Успенка ауылының дүкендерінің бірінің сатушысы 21:00-ден кейін ауыл тұрғынына күштілігі 40% алкоголь бөтелкесін сатты.
– Әкімшілік аумақты аралап жүріп, учаскелік полиция инспекторы көшеде келе жатқан және қолында алкоголі бар ер адамды байқады. Қайдан алдың деген сұраққа жолаушы дүкенді көрсетті. Полиция қызметкерімен сөйлескен кезде аталған дүкеннің сатушысы алдымен алкогольді мүлдем сатпадым деп алдауға тырысты, кейін сатқанын мойындады, бірақ ол бұл туралы ешкім білмейді деп үміттенді. Сондықтан ҚР ӘҚБК-нің 200-бабының 3-бөлігін бұзғаны үшін дүкен иесі әкімшілік жауапкершілікке тартылды, – деп хабарлады Полиция департаментінің баспасөз қызметі.
Заңды бұзудың тағы бір фактісі Павлодар қаласында анықталды. Мұнда жасөспірімге Майра көшесіндегі дүкенде төрт банка сыра сатылды. Дүкен иесіне қатысты ҚР ӘҚБК-нің 200-бабының 1-бөлігі бойынша әкімшілік хаттама толтырылды.
Полицейлер аймақ тұрғындарына осы бапты бұзғаны үшін жауапкершілікті есте сақтап қана қоймай, сондай-ақ осындай мәселелерде азаматтық жауапкершілік танытуды ескертеді, өйткені алкоголь кәмелетке толмағандарды қауіп-қатерге әкеп соғады және көп жағдайда оларды қылмыс жасауға итермелейді.
