Ақтөбе облысындағы Полиция департаментінің музейіне құнды жәдігерлер табысталды, – деп хабарлайды Polisia.kz.
18 мамыр күні Ақтөбе облысы ПД ғимаратында Халықаралық музей күніне орай акция өтті.
Салтанатты шараға ПД Кадр саясаты басқармасының басшысы Жақсылық Нысаналин, ПД Ардагерлер кеңесінің төрағасы Ғалым Даулеталин пен ардагерлер қатысты.
Полиция департаментінің мұражайында тәртіп сақшыларының жұмысы, полицияның қалыптасуы тарихын жан-жақты баяндайтын экспонаттар жинақталған. ПД мұражай қорында жас ұрпақты отансүйгіштікке, патриотизмге тәрбиелеуде тәрбиелік мәні зор үш мыңға жуық жәдігерлер сақталған.
ПД Кадр саясаты басқармасының басшысы Жақсылық Нысаналин шараға қатысушыларды мерекемен құттықтап, табыс еткен жәдігерлерге және 2013 жылдан бері мұражай меңгерушісі болған Айша Утеулинаға өз алғысын білдірді.
Акция аясында, ІІМ ардагерлері Жақсылық Тулегенов, Анатолий Корольчук, Ырғызбай Кенжеханов, Тамара Павлова мерекеге орай мұражай қорына жәдігерлерді табыстады.
Ғалым Даулеталин – ПД Ардагерлер кеңесінің төрағасы, полиция подполковнигі. 1973 жылдан бастап ІІМ-нде жұмыс жасаған. 2004 жылдан бері демалыста.
1944 жылы туған қазір отставкадағы полиция майоры Жақсылық Тулегенов ІІМ-нде 1981-1994 жылдары жұмыс атқарған. 1965 жылы 130 солдатпен қоса Кубаға армияға жіберілген.
Анатолий Корольчук «Мұражайға тарту» акциясының белсенді қатысушысы. Отбасылық жәдігерлерді көзіндей сақтайды. Қазір отставкадағы полиция полковнигі.
1974 жылдан бастап Ішкі істер органдарында қызмет атқарған Ырғызбай Кенжеханов отставкадағы полиция полковнигі. Қазір ПД ардагерлер кеңесі төрағасының орынбасары.
Тамара Павлова 1976 жылдан бастап ІІМ-нде қызмет атқарған. ПД Тергеу басқармасының аға тергеушісі. 2005 жылдан бері демалыста.
Анатолий Корольчук әулетінің 18 мүшесі ІІО қызмет атқарған. Бала кезінен атасынан, әкесінен қалған мұраларды жинап, көзінің қарашығындай сақтаған. Отбасы жәдігерлері – 1923 жылдан ІІО қызмет атқарған Дмитрий Ивченко атасының әскери құтысы (фляжка) мен төрт әскери бас киім (фуражка), 1991 жылғы үстел сағатын табыс етті.
Ырғызбай Кенжеханов музей қорына баспа машинасы мен қысқы шинельді сыйлады. Тамара Павлова мен Жақсылық Тулегенов те музей қорына сыйлықтарын табыстады.
Акция соңына ІІМ ардагерлері, ПД Ардагерлер кеңесінің төрағасы мен мұражай меңгерушісіне ПД басшысы Атығай Арыстановтың атынан алғыс хаттар мен гүл шоқтары табыс етілді.
