Петропавл жолдарында көктайғақ салдарынан 5 жол-көлік оқиғасы орын алды, – деп хабарлайды Polisia.kz.
Петропавл полицейлері жол қозғалысына қатысушыларды жоғары қырағылыққа шақырады. Ауа-райының өзгеруі мұздың пайда болуына әкелді. Сағат 00:00-ден 11:00-ге дейін Петропавл қаласының жолдарында 5 оқиға орын алды. Зардап шеккендер жоқ, автомобильдер механикалық зақым алған. Күрделі жағдайға байланысты жол қозғалысын бақылау күшейтілді. Автопатрульдер оқу орындарына жақын орналасқан. Сондай-ақ күшейту үшін патрульдік полиция батальонының түнгі ауысымы маршруттарда уақытша қалдырылып, жұмысын жалғастырып жатыр. Таңертеңнен бастап қала көшелерінде арнайы техника жұмыс істеп жатыр.
Полицейлер еске салады: көктайғақ жағдайында көлік құралдарын тежеу қиын. Апаттың алдын алу үшін жылдамдықты төмендетіп, автомобильдер арасындағы қашықтықты арттыру керек, әсіресе жаяу жүргіншілер өткелінен өту кезінде абай болу қажет. Жаяу жүргіншілер қазіргі жол жағдайында көшені белгіленбеген жерде немесе бағдаршамның тыйым салу сигналы арқылы өту әрекеттері екі есе қауіпті екенін есте ұстауы керек.
Тәртіп сақшылары қозғалыстың барлық қатысушыларын жол ережелерін қатаң сақтауға шақырады.
