Петропавлда күнде оқу орындарының жанында полицейлер кезекшілік етеді, – деп хабарлайды Polisia.kz.
Күнделікті таңертең сағат 07: 30-дан 08:30-ға дейін ювеналды полицейлер мен Петропавл қаласының полиция басқармасы патрульдік полиция батальонының қызметкерлері қарқынды қозғалысы бар жол бойында орналасқан мектептердің жанында жол және қоғамдық қауіпсіздікті қамтамасыз етеді.
Таңертең көлік иелері балаларды сабаққа алып баруға асығады, бұл көше-жол желісіне қосымша шиеленіс туғызады. Полиция қызметкерлерін көрген жүргізушілерді тәртіпке сақтайды. Ал қажет болған жағдайда полицейлер қозғалысты реттеп, оқушыларды жолдан өтуге көмектеседі.
– Бұл тәжірибе Қазақстан Республикасы ішкі істер министрінің нұсқауымен енгізілген және полицияның қол жетімділігі қағидатын іске асыру мен сервистік модельдің бір түрі болып табылады. Жас қала тұрғындары полицияның олардың құқықтарын қорғауға бағытталған жұмысын көріп, қызметкерлердің әрқашан көмекке келуге дайын екенін біледі. Балалардың қауіпсіздігін қамтамасыз етуге, сондай-ақ мектеп оқушылары мен олардың ата-аналарының құқықтық санасын арттыруға өз үлесін қосады деп үміттенеміз, – дейді Петропавл қаласы полиция басқармасы жергілікті полиция қызметі бөлім бастығы Айдын Ахмағамбетов.
