Петропавлда погон таққан ару қызметінің қыр-сырын айтып берді, – деп хабарлайды Polisia.kz.
Күн сайын әлеуметтік желі парақшаларында петропавлдықтар қалалық полицияның жұмысы туралы қысқа және ауқымды әңгімелерді, мәнерлі фотосуреттерді, жарқын бейнероликтерді, оқиғалар туралы жарияланымдағы тәртіп сақшыларының пікірлерін көре алады. Бұл ақпараттың барлығын Әдемау Меңдібаевамен дайындағанын ешкім білмейді.
Оның полициядағы жұмысы 2003 жылдан облыстық ішкі істер департаменті баспасөз қызметінен басталды. 2011 жылға дейін ол ер қызметкерлермен бірге оқиға орнына бейнекамерамен барып, пресс-релиздер мен телеарналарға арналған сюжеттер дайындаған. Бұл міндеттерді жақсы орындау үшін жедел қызметкерлер мен тергеушілердің, учаскелік және патрульдік қызметкерлердің, кадрлардың, криминалистердің және басқа бөлімшелердің қызметкерлерінің жұмысының ерекшеліктерін түсіну керек.
Содан кейін Әдемауды көп нәрсеге үйреткен ювеналды және әкімшілік полициядағы қызмет ету кезеңдері болды. Осыдан тура екі жыл бұрын ол бастаған ісіне қайта оралды — оған тағы да ақпараттық жұмыс тапсырылды, қазір ол қалалық полиция басқармасында жұмыс істейді. Бұл қызметтегі барлық нәрсе түбегейлі өзгерген. Алайда жаңа міндеттер Әдемауды ешқашан қорқытқан емес.
Әлеуметтік желілерді мұқият зерделей келе ол заман талабына сай жоспар құрып, фото ісіндегі білімін тереңдетіп, мобилографияны меңгеріп алған. Ол Петропавл қаласы полиция басқармасының Instagram-дағы парақшасын жүргізіп, соңғы кезде танымалдылығы артқан, оқырмандар саны да өсіп келеді. Сонымен қатар теледидарға спикерлер дайындап, журналистермен қызметтік қарым-қатынасты жалғастырып келеді. Сондай-ақ аптасына жеті күн бойы кез келген уақытта облыстық полиция департаментінің баспасөз қызметіне әлеуметтік желілердегі резонанстық жарияланымдар үшін объективті және тексерілген түсініктемелер дайындауға көмектеседі.
Сонымен қатар Әдемау үйде асыл жар, ол бес баланың аяулы анасы. Олардың үлкені мектепті бітіріп, өзін тергеушіге оқуға дайындап жатса, кенжесі бірінші сыныпқа барғалы жатыр.
– Әйелдің қолынан бәрі келеді. Ең бастысы – асханада болса да, жұмыста болса да, кез келген қолға алған істі барынша жақсы істеу керек. Барша қыз-келіншекті 8 наурыз мерекесімен шын жүректен құттықтаймын және әрқашан да биіктен ғана көрінуді тілеймін!, – дейді Меңдібаева.
