Петропавлда полицейлер мен ККО мүшелері жол қозғалысын ұйымдастыруды талқылады, – деп хабарлайды Polisia.kz.
Солтүстік Қазақстан облысы полиция департаменті жанындағы консультативтік-кеңесші органның кезекті отырысы қала үшін өзекті жол инфрақұрылымы мәселелеріне арналды. Отырысқа Петропавл қаласы әкімінің орынбасары Сергей Мелехов, "ҚазАвтоЖол" ҰК" АҚ СҚОФ, Ресей темір жолдары АҚ ООТЖ Петропавл филиалының өкілдері шақырылды.
СҚО ПД әкімшілік полиция басқармасының бастығы Серік Әлжанов өз баяндамасында Береке шағынауданы салынғаннан кейін екі магистральдық көшеге — Әуезов пен Батыр Баян көшелеріне жүктеме айтарлықтай өскенін атап өтті. Мұқият тексеруден кейін полицейлер оң жаққа шығу жолдарымен жабдықтау, көшелерді кеңейту, қосымша тротуарлар салу бойынша бірқатар ұсыныстар жасады. ККО мүшелері құқық қорғау органдарының ұсыныстарын мақұлдады.
Сондай-ақ Әлжанов жаяу жүргіншілер өткелдеріндегі апат мәселесіне тоқталды. Талдауға сәйкес, жаяу жүргіншілердің қатысуымен болған жол-көлік оқиғаларының 30%-дан астамы тәуліктің қараңғы уақытында орын алады. Мұндай оқиғалардың үлесіне барлық қаза тапқан жаяу жүргіншілердің 60%-нан астамы тиесілі.
Талқылаудан кейін ККО мүшелері полицейлердің белсенді жол белгілерін қолдануды кеңейту, кез келген ауа райының құбылыстарында жаяу жүргіншілер өткелінің көрінуін қамтамасыз ететін "зебра" түріндегі проекциялық жарықтандыруды, "зебраларға" жарықдиодты маяктарды орналастыру туралы ұсыныстарын мақұлдады. ӘПБ қызметкерлері жүргізген талдау бұл шаралардың ЖКО қаупін айтарлықтай төмендететінін көрсетеді.
