Полицейлер Балқаш көлінде 200-ден астам браконьерлік ауларды жинады, – деп хабарлайды Polisia.kz.
28 сәуірде Қарағанды облысы Балқаш көлінде полиция қызметкерлері Балқаш қаласының шекарасына іргелес жатқан Бертіс пен Шашубай шығанағына тексеру жүргізді. Табиғатты қорғау полициясы қызметкерлері ұйымдастырған акцияның мақсаты – су қоймасының аталған учаскелерін иесіз қалған аулардан тазарту, яғни балық ресурстарын, олардың мекендеу ортасын сақтау, табиғи өсіміне жағдай жасау. Сондай-ақ, шараға «Нұра-Сарысу» балық инспекциясының инспекторлары, еріктілер, Төтенше жағдайлар министрлігі мен «Саюшкин» ЖШС қызметкерлері қатысты.
Уылдырық шашудың алдын алу шарасы аясында өткен шара барысында ұзындығы 20 шақырымдай 200-ден астам браконьерлік аулар жиналды.
– Біз Балқаш көлін қараусыз қалған торлардан жүйелі түрде қарап шығуды қамтамасыз етеміз. Сонымен қатар, балық шаруашылығы су айдындарының жағалау аумақтарына күнделікті тазалау ұйымдастырылған. Онда жергілікті атқарушы органдарымен балық инспекциясы бірлесіп әрекеттесе отырып, балық шаруашылығы субъектілерінің күштері және құралдарын тартады.Сондай-ақ, белсенділер де атсалысып, халық арасында және білім беру мекемелерінде бүгінгі және болашақ ұрпақ мүддесі үшін мұндай іс-шаралардың маңызы туралы түсіндіру жұмыстары жүргізілуде, – дейді облыстың ПД ЖПҚБ аймақтық табиғатты қорғау полиция бөлімінің бастығы Ерболат Изатов.
