Қарағанды облысында ай басынан бері 4 есірткі сатушы ұсталды, – деп хабарлайды Polisia.kz.
Қарағанды облысының аумағында «Рефлекс» республикалық жедел алдын алу шарасы өтуде. Оның негізгі мақсаты – есірткі қылмысымен күресу. Бұл ретте синтетикалық текті есірткі заттарын сатумен айналысатын тұлғаларды анықтауға ерекше көңіл бөлінеді.
Осыған орай, ай басынан бері облыстық ПД Есірткі қылмысына қарсы күрес басқармасының қызметкерлері төрт есірткі сатушының қылмыстық әрекетінің жолын кесті.
Мәселен, 14 қазанда Абай қаласында қала көшелерінің бірінде синтетикалық есірткі сатпақ болған 38 жастағы қала тұрғынын ұстады. Ер адамның қалтасында ақ түсті ұнтақ зат салынған пакет болған. Сараптама бұл синтетикалық есірткінің «Жылдамдық» деген атаумен танымал түрі екенін анықтады. Одан әрі жүргізілген жедел іс-шаралар барысында қала аумағында түрлі жерден синтетикалық деп аталатын тағы жеті оралған зат тәркіленді.
Келесі күні Қарағандыда 18 жастағы қызды тексеру кезінде қорапқа салынған айтарлықтай мөлшерде «мефедрон» психотроптық заты тәркіленді.
Сол күні Балқаш қаласындағы Металлургов көшесінде 18 жастағы жас жігіт ұсталды. Полиция оның күртесінің сол қалтасынан синтетикалық он оралған зат тәркіледі. Ұсталғанның түсіндіруінше, бұл Балқаш қаласында таратуы тиіс «мефедрон» есірткі заты.
22 қазанда Қарағандыда орталық мәдениет және демалыс саябағына есірткі жасырмақ болған колледждердің бірінің 17 жастағы студентін ұстады. Куәгерлердің қатысуымен күдіктіден 8 оралған ақ ұнтақ алынды, ол синтетикалық «мефедрон» есірткі заты болуы мүмкін. Одан әрі жүргізілген жедел іс-шаралар барысында саябақта дәл осындай есірткі салынған тағы екі қаптама табылып, тәркіленді. Ұсталған есірткі курьерінің айтуынша, ол бірінші күні «жұмысқа» шығып, ешқандай қылмыстық пайда көрмеген.
Жоғарыда аталған барлық фактілер бойынша Қазақстан Республикасы Қылмыстық кодексінің 297-бабы аясында сотқа дейінгі тергеу амалдары жүргізілуде. Тиісті сараптамалар тағайындалды.
Есірткі сатқаны үшін күдіктілер 10 жылдан 15 жылға дейін бас бостандығынан айырылуы мүмкін.
Облыстық ПД Есірткі қылмысына қарсы күрес басқармасы соңғы кездері Қазақстан Республикасында нақты бас бостандығынан айыру мерзімі басталатын синтетикалық есірткілер үшін қылмыстық салмақтың шегі төмендегенін хабарлайды. Енді «мефедрон», «спид», «спайс» сияқты есірткінің заңсыз айналымына қатысқаны үшін қылмыстық жауапкершілік бұрынғыдай 50 грамнан емес, 1 грамнан шығады.
Есірткі заттарының заңсыз айналымы саласында жасалған қылмыстарды статистикалық талдау полиция назарына жас ұлдар мен қыздардың көбірек түсетінін көрсетеді. Ал басқа жағдайларда материалдық жағдайын жақсарту мақсатында наркокурьер болып жұмысқа баратын кәмелетке толмағандар. Нәтижесінде олар өз тағдырларын бұзып, ұзақ уақыт түрмеде қалады.
