Қарағанды облысында алаяқ ауыл тұрғындарының жылқысы мен малын иемденіп алған, – деп хабарлайды Polisia.kz.
Қарағанды облысының Осакаров полиция бөліміне елді мекендердің бірінің 33 жастағы тұрғыны арызданған. Ауылда ет өнімдерін көтерме бағада сатып алатын белгілі бір азамат пайда болды. Ал арызданушы оған алты бас жылқы сатып жіберген. Тек сатып алушыда қолма-қол ақша болмағаны белгілі болды, бірақ сонымен бірге ол бірнеше күнде өтеуге уәде берді. Бірақ келісілген уақытқа дейін көтерме бағада сатып алушы келмеді және жалпы байланысын тоқтатқан. Жәбірленуші шығын көлемін 3,1 млн теңгеге бағалаған.
Жедел-іздестіру іс-шаралары барысында полиция қызметкерлері күдікті – көрші ауданның 27 жастағы тұрғынын ұстады. Ол өзін көтерме сатып алушы ретінде таныстырып, ауыл тұрғынын алдамақ болғанын айтып, кінәсін мойындады.
Қазақстан Республикасы Қылмыстық кодексінің 190-бабы (Алаяқтық) бойынша қозғалған сотқа дейінгі тергеу барысында полицейлер алдаған адамның осыған ұқсас тағы бір қылмысқа қатыстылығын анықтады. Ол 40 жастағы ауыл әйелін алдап,оның тоғыз бас ірі қарасын сатып аламын деп иемденіп алған.
Келтірілген шығын көлемі 2 миллион теңгені құрады.
